Ўзбекнефтегаз бензин нархини арзонлаштирганми ўзи? Ҳа, тарихда шунақаси ҳам бўлган. Пандемиянинг иккинчи ойида нефть манфий нархларгача тушиб кетган. Яъни, глобал талаб синиши фонида нефть сотувчилар нефть сотиб олувчиларга нефть олгани учун пул тўлаган. Мана шундай шароитда, яъни нефть нархи минус 1 доллар бўлган кунларда 2020 йил мартдан 2020 майгача бўлган муддатда Ўзбекнефтегаз 92 маркали бензин нархини 6 200 сўмдан 65 цент 5 000 сўмгача 49 цент туширган. Лекин ўша йил июнга бориб нархлар яна аввалги даражага қайтиб олган ва шу кунгача тинимсиз ўсишда давом этмоқда. Мана шунақа олчоқ монополистимиз бор.
Бюджет харажатларида иш ҳақи ва ижтимоий нафақаларнинг улуши қисқариб бормоқда 2025 йилнинг биринчи ярим йиллигида Давлат бюджети харажатларининг ўсиши 15,7%гача секинлашган ва 173,3 трлн.сўмни ташкил этган ўтган йилнинг тегишли даврида ўсиш 16,0% бўлган. Энг катта харажат бўлган иш ҳақининг жами харажатлардаги улуши 36,0%дан 35,8%гача, ижтимоий нафақалар улуши 7,7%дан 6,6%гача пасайган. Айрим харажатлар эса юқори даражада ўсган. Хусусан, асосий воситалар бўйича харажатлар 30%га ошган ва 2,6 трлн.сўмга етган ўзбек чиновниклари маҳаллий малибуларга ўтгани эсингизда бўлса керак . Давлат мақсадли жамғармалари харажатлари кескин, деярли 2 баробар ошган. Иқтисодиёт харажатлари ичида автомобиль йўллари учун сақлаш харажатлари қарийб 1 трлн.сўмга ошиб, 1,7 трлн.сўмга етган, бунинг қанақадир изоҳи бўлса керак.
Uzum Tencent ва VR Capital’дан 70 миллион доллар жалб қилди Етакчи рақамли экотизимлардан бўлган Uzum инвестиция раунди доирасида Tencent ва VR Capital’дан 70 миллион доллар жалб қилган. Бу Tencent’нинг Ўзбекистондаги биринчи технологик сармоясидир. Компания хизматларидан ҳар ойда 17 миллионга яқин фойдаланувчи фойдаланади. Компания 12 000 дан ортиқ иш ўрни яратган, 40 000 дан зиёд тадбиркор Uzum билан ҳамкорлик қилади. Жалб қилинган маблағлар финтех инфратузилмани ривожлантириш, янги маҳсулотларни ишлаб чиқиш ва бозорда етакчиликни мустаҳкамлашга йўналтирилади. Инвесторлар Uzum’ни Марказий Осиёдаги энг ёрқин финтех ва e-commerce лойиҳаларидан бири деб баҳоламоқда. Таъкидланишича, Uzum Bank карталари 2 млн аҳолида мавжуд. Тез етказиб бериш хизмати 25 та шаҳарда ишлайди, маркетплейс айланмаси 1,5 баробарга ошган. Uzum — рақамли банк, маркетплейс, BNPL-сервис ва бошқа ечимларни ўз ичига олган экотизим бўлиб, жисмоний шахслар ва бизнес учун мўлжалланган.
